Tinola

Umuwi ang magulang ko sa Batangas 3 weeks ago. Humingi ako ng pasalubong — native na manok na pang-tinola. Kinilig naman ako nung bumalik sila na may dalang buhay na inahin. Sabihin ko lang daw kung kailan ko gusto ipaluto.

Bago ako pumasok para sa duty, nadaanan ko yung manok na nasa maliit na kulungan sa gilid ng bahay. Biniro ko si Mama…

“Ma, wag na wag mo papaalagaan kay Papa yung manok. Baka mapamahal sa kanya.”

“Hindi. Binili talaga niya yun para sa’yo.” Sagot niya.

Pag-uwi ko galing ospital (2 days later), natawa na lang ako sa nakita ko.

May kasama nang tandang (rooster) yung manok sa kulungan niya. Apparently, binilhan ni Papa ng boyfriend yung manok ko. Gumuho ang pangarap kong native na tinola.